Co obxectivo de combater os prexuízos LGTBIfóbicos que constitúen a base sobre a que se sustentan as condutas discriminatorias, a invisibilización e o acoso por orientación sexual ou identidade de xénero, mais tamén ante a ausencia dun marco organizativo común, foron xurdindo nos últimos anos e por iniciativa autónoma diversos Equipos de apoio LGBTIQ+ en diferentes centros de ensino de toda Galicia como o IES Politécnico, o Carlos Casares e o IES A Guía de Vigo; o IES A Sangriña da Guarda; o IES As Barxas, o IES A Paralaia e o CEIP Plurilingüe de Tirán en Moaña; o Praia Barraña de Boiro; o Punta Candieira de Cedeira; o Castro Alobre de Vilagarcía, e un longo etcétera.
Nestes centros constituíronse asembleas de alumnado LGTBIQ+, deseñáronse actividades de sensibilización, concienciación e recoñecemento da diversidade afectivo-sexual ou familiar, constatándose a enorme necesidade tanto do alumnado que reclama estas iniciativas, coma do profesorado comprometido que quere desenvolvelas, por tecer redes de apoio, compartir experiencias ou recursos pedagóxicos e facer comunidade entre todo o profesorado pioneiro.
A finais de agosto de 2019 Ana Ojea, profesora do IES Politécnico de Vigo, e Denís Vicente, do IES As Barxas de Moaña, tomaron a iniciativa creando un manifesto de adhesión e invitando a todo o profesorado de Galicia que estivese a traballar a diversidade afectivo-sexual e de xénero no seu centro a participar nunha primeira xuntanza en réxime de auto convocatoria. O 5 de outubro do 2019 tivo lugar o encontro na Facultade de Ciencias da Educación da Universidade de Santiago de Compostela, acatando o mandato de constituír unha asociación profesional e consensuando os seus obxectivos.
A asociación constituíuse finalmente o 9 de maio do 2020.
Actualmente conta con máis de 80 persoas asociadas repartidas o longo de toda a xeografía galega.
A nosa acción asociativa vén guiada pola práctica educativa que parte do dereito humano á educación e ao libre desenvolvemento da personalidade, así como a unha vida digna e libre de violencia, materializándose na intersección de tres eixos fundamentais que vertebran o noso proxecto educativo:
Profesora lesbiana visible de Cultura Audiovisual en Bacharelato de Artes. Responsable de Diversidade Sexual, de Identidade de Xénero e Familiar e Titora LGBTIQA+ no IES Politécnico de Vigo.
Organizadora do Festival Educativo de Cine LGBTIQA+ MECOPOL -Mostra Educativa de Curtas con Orgullo do Politécnico de Vigo-, festival de curtametraxes inclusivas con representación positiva de personaxes LGBT+ realizados por alumnado de ensino secundario.
Cofundadora, coordinadora e socia promotora da Rede Educativa de Apoio LGBTIQ+ de Galicia.
Formadora de profesorado en diversidade sexual, de Identidade de Xénero e Familiar a través dos CFR/CAFI, colaboradora en diversas publicacións e na creación de recursos didácticos sobre diversidade sexual.
Socio pioneiro da Rede Educativa de Apoio LGBTIQ+ de Galicia.
Orientador educativo do corpo de profesores de secundaria. Licenciado en Psicoloxía e escritor.
A súa praza está no Equipo de Orientación Específico de Pontevedra desenvolvendo o seu labor na especialidade de trastornos de conduta.
En cursos anteriores, no seu antigo centro, coordinador do equipo de igualdade e apoio ao alumnado LGBT. No marco do devandito proxecto: co-creador do podcast inclusivo Z-Millennials.
Traballa na Academia Claves como preparador de oposicións.
Mestra de Educación Primaria, cunha traxectoria profesional vencellada á educación pública galega e ao traballo pola igualdade, a diversidade e a inclusión nos centros educativos.
Coordina o Equipo de Igualdade do seu centro educativo e o Programa de Inclusión Educativa, desde onde promove accións orientadas á equidade, á convivencia positiva e ao respecto á diversidade afectivo-sexual, de xénero e familiar.
Imparte formación ao profesorado a través do CFR en materia de diversidade, inclusión e dereitos LGBTIQA+. Os materiais e recursos educativos que elabora compárteos no perfil de Instagram @sempre_estou_aprendendo, como espazo de difusión e intercambio pedagóxico.
É autora do álbum ilustrado Xe, unha obra dirixida ao público infantil que aborda a intersexualidade desde unha mirada educativa e respectuosa co obxectivo de visibilizar esta realidade.
Mestre gay visible de Educación Primaria. Traballa no CEIP Plurilingüe Seis do Nadal de Vigo.
Socio da Rede Educativa de Apoio LGBTIQ+ de Galicia dende 2025.
Comezou a colaborar como editor na Wikipedia en galego en 2011 e no ano 2016 a comunidade outorgoulle o rol de administrador.
Colabora no Wikiproxecto "Diversidade sexual e de xénero" para crear, ampliar e traducir á nosa lingua máis contido enciclopédico "cuir".
En outubro de 2025 participou na VII xornada de formación de Pinto e Maragota como relator baixo o título "Cuirizar a Galipedia".
